Top station
ടോപ്പ് സ്റ്റേഷൻ മൂന്നാറിലെത്തുന്ന സഞ്ചാരികൾ ഒരിക്കലും മിസ്സാക്കാത്ത ഇടമാണ് ടോപ്പ് സ്റ്റേഷൻ. പേര് അന്വർത്ഥമാക്കുന്ന പോലെ മേഘങ്ങളെ മുട്ടുന്ന മലനിരകളാണ് ഇവിടെ. മൂന്നാറിൽ നിന്ന് 32 km അകലെ മാട്ടുപെട്ടി, കുണ്ടള ഡാമുകൾ കഴിഞ്ഞാണ് ടോപ്പ് സ്റ്റേഷൻ സ്ഥിതി ചെയ്യുന്നത്. സമുദ്രനിരപ്പിൽ നിന്ന് 1700 അടി ഉയരമുണ്ട് ടോപ്പ് സ്റ്റേഷന്. ടോപ്പ് സ്റ്റേഷൻ കഴിഞ്ഞാണ് പാമ്പാടും ഷോല നാഷണൽ പാർക്കിലേക്ക് പോകുന്നത്. ഭൂമിശാസ്ത്രപരമായി കേരളത്തിൽ കിടക്കുന്ന ടോപ്പ് സ്റ്റേഷൻ കേരളത്തിലെ ഇടുക്കി ജില്ലയെയും തമിഴ്നാട്ടിലെ തേനി ജില്ലയെയും ഇവിടെ അതിരിടുന്നു. ചരിത്രപരമായ പ്രത്യേകതകൾ ഉള്ളയിടം കൂടിയാണ് ടോപ്പ് സ്റ്റേഷൻ. മൂന്നാറിലെയും മാട്ടുപ്പെട്ടിയിലെയും കണ്ണൻദേവൻ മലനിരകളിൽ ഉൽപാദിപ്പിച്ചിരുന്ന തെയില തമിഴ്നാട്ടിലെ കോട്ട ഗുഡിയിലേക്ക് ഏരിയൽറോപ്പ് വേ വഴി കൊണ്ടുപോയിരുന്ന ട്രാൻസ്ഷിപ്പ്മെന്റ് ആയിരുന്നു ടോപ്പ് സ്റ്റേഷൻ. 1902 ൽ നിർമ്മിച്ച മൂന്നാർ കുണ്ടള വാലി റെയിൽവ്വേ സ്റ്റേഷൻ ടോപ്പ് സ്റ്റേഷൻ ഇവിടെ ആയിരുന്നു. മൂന്നാർ റെയിൽവേയുടെ ചില ചരിത്രാവശേഷങ്ങൾ മൂന്നാർ ടീമ്യൂസിയത്തിൽ കാണാം. ടോപ്പ് സ്റ്റേഷനിൽ ...